Fréttir

Nýjustu breytingar og uppfærslur í Reglu - Desember

Ágæti notandi Reglu

Við viljum vekja athygli þína á breytingum og viðbótum sem hafa komið í Reglu með síðustu uppfærslum.

Bókhald:

Samanburðarskýrsla vsk “Bókhald > Uppgjörsvinnslur > Samanburðarskýrsla vsk. RSK 10.25” sýnir nú bæði veltutölur og vsk fyrir innskatt og útskatt.

Vsk uppgjör “Bókhald > Uppgjörsvinnslur > Vsk. Uppgjör” sýnir nú sérstaklega, ef einhver leiðréttingauppgjör hafa verið gerð, samtölur með leiðréttingauppgjörum.

Nú er leyft að senda vsk uppgjör og staðfesta leiðréttingauppgjör þó einhverjar færslur séu ófrágengnar. Regla birtir aðvörun og notandi þarf að staðfesta að halda eigi áfram.

Komið hefur í ljós að sum fyrirtæki hafa verið að senda sömu rafræna reikningana oftar en einu sinni, hvort sem um er að ræða mannleg mistök eða galla í viðkomandi bókhaldskerfum. Þetta á þó ekki við reikninga sem sendir eru úr Reglu nema um einbeittan brotavilja sé að ræða. Við höfum nú gert ráðstafanir í Reglu þannig að rafrænir reikningar sem áður hafa verið mótteknir og sendir í dagbók eru stoppaðir af.

Það hefur verið vandamál þegar verið er að millifæra í bankafærslum á milli gjaldeyrisreikninga og reikninga í íslenskum krónum að Regla þekki að um millifærslu sé að ræða og bóki þannig ekki tvisvar sinnum. Þetta hefur nú verið leyst.

Nú er hægt að gera kröfu um að rafrænir reikningar séu samþykktir áður en þeir eru bókaðir. Til að virkja þetta er hakað við “Krefjast samþykktar fyrir bókun á rafrænum reikningum” undir “Bókhald > Stjórnun > Stýringar”.

Nú er hægt í skráningu bókhaldsfærslna að finna viðskiptavin eftir reikningsnúmeri. Þetta getur t.d. verið mjög hentugt í þeim tilfellum þar sem kennitala á greiðanda reiknings er ekki sú sama og kennitala á útsendum reikningi. Til að virkja þetta er hakað við “Leyfa að finna sölureikning, sækja viðskiptavin og setja kennitölu í innsláttarsvæði” undir “Bókhald > Stjórnun > Stýringar”.

Nú er hægt að jafna bókhaldsfærslur innan sama viðskiptamannaflokks. Ef t.d. reikningar eru sendir út á margar mismunandi deildir, sama kennitala en 2 aukastafir fyrir deild, en greiðslan kemur bara frá kennitölunni þá er hægt að flokka kennitöluna og allar deildir í sama viðskiptamannaflokk og síðan jafna þannig greiðslu á móti reikningum. Til að virkja þetta er hakað við “Leyfa jöfnun færslna innan sama viðskiptamannaflokks” undir “Bókhald > Stjórnun > Stýringar”.

Sölukerfi:

Sölufyrirspurnir sýna núna samtals kostnaðarverð og framlegð þó að kostnaðarverð vanti í einhverjar sölufærslur. Ef kostnaðarverð vantar í einhverjar sölufærslur birtir Regla athugasemd um það.

Birgðabókhald:

Hægt er að gera lager óvirkann. Ef vörur eru inn á lager er ekki hægt að eyða honum en í staðinn er lagerinn gerður óvirkur og hvorki hægt að velja hann í birgðaskráningu né selja af honum.